IKASLE ETORKINENTZAKO HARRERA PLANA

Beste herrialde batzuetatik datorren ikasle-kopuruak gora egin du nabarmen azkenaldian, EAEn.

Gure ikastetxeetan beste kultura, hizkuntza eta herrialdetako ikasleak ditugu dagoeneko. Horrek   aldaketa batzuk egitea eskatzen digu errealitate berrira egokitzeko.

Aldaketa horietako bat ikasle etorkinentzako harrera plana da. Jakin badakigu gizarte berrian integratzeko ahalegina ez dela bakarrik etorri berrien ardura. Eskoletan lan handia egin dezakegu iritsi berriak ahalik eta ondoen hartzeko. Ikasle heldu berriak ondo hartzea oso garrantzitsua da  familiarentzat eta  irakasleontzat.

Hemen topatuko dituzun dokumentuek zure ikastetxeko harrera plana egiten lagundu nahi dute. Honez gain,  egokia iruditu zaigu  hainbat dokumentu eskaintzea  denon arteko hausnarketa bultzatzeko.